ირიშენ მჩირე ლაზური- ქორთული ზიტაფუნა ქოგამახთუ

 

ირიშენ მჩირე ლაზური- ქორთული ზიტაფუნა ქოგამახთუ

 

ირიშენ მჩირე იფთინერი ლაზური- ქორთული ზიტაფუნა გამიჩქვინუ გურჯისთანიში ნანანოღა თიჶლისის: “ლაზური ლექსიკონი”. ჶილოლოგი დო მაგამანთანე ალი თანდილავაში ნოჩალიშე ქოგამახთუ  “გამაჩქვალე საარი”-შენ.  ზიტაფუნას 22.590 ზიტა გეძინ. ალი თანდილავაქ აჲა ზიტაფეთენ ჯუმლეფეთი მეჩაფს. აჲა ზიტაფუნა ხვალა ალი თანდილავაქ ნადოკორობუ ზიტაფეთენ ვარ, გურჯისთანიში სოვჲეთ- სოსჲალისტური ჯუმჰურიჲეთი დო აფხაზეთიში მუხთარული სოვჲეთ- სოსჲალისტური ჯუმჰურიჲეთის გამიჩქვინერი ჶოლკლორულ- ეთნოგრაფიური ნამთინი ქეთაბეფე დო დერსიში ქეთაბეფეშენ ნოკორობე ზიტაფეთენთი ხაზირელი რენ. ალი თანდილავაქ აჲა ნოჩალიშე  ოხაზირუს ქოგეოჭკერენ მამგურობაში წანაფეს. ზიტაფუნაში ედიტორეფე რენან პროჶესორ მერაბ ჩუხუა, პროჶესორ ნათელა ქუთელია, პროჶესორ ლილე თანდილავა დო პროჶესორ ლალი ეზუგბაია

            ალი თანდილავა დიბადუ ბათუმიში ობლასტიშა მეკირელი ლაზური ოფუტე სარფის, 1913 წანას. ემორანერი ბათუმიში ობლასტი გელადგიტუ ცარობაში რუსეთიში დიხაფეში კელე.  თიჶლის- სტალინიში ოხენცალეში უნივერსიტეტიში ჲულვა კაჶკასური ნენაფეში ჶაკულტეტიშენ დიმეზუნუ 1941 წანას. 1942 წანაშენ დიჩალიშუ ქორთული ნენა დო მჭარალობაში მამგურაფალო დო უკულე დირექტორო სარფიში ნწოფულას.  1973 წანას თეკაუდი იყუ. ალი თანდილავა დომიღურეს1985 წანას; ოფუტე მუშის დიხვინუ.

            ჩქინ ალი თანდილავა ვიჩინოფთ მაჟურა ნოჩალიშე მუშიშენთი. ალი თანდილავაქ მუჰამმედ ვანილიში კალა ართოთ “ლაზეთი” ჯოხონი ქეთაბითი დოხაზირუ. აჲა ქეთაბი ქორთულო გამიჩქვინუ 1964 წანას ნანანოღა თიჶლისის. აჲა ქეთაბი ომკულანერო ხაჲრი ხაჲრიოღლიში თურქული თერჯუმე დო  “ლაზეფეში თარიხი” ჯოხოთენ გამიჩქვინუ 1992 წანას, ნოღა ისტანბოლის.

 

aksamaz@gmail.com

 

 

https://sonhaber.ch/kapsamli-lazca-gurcuce-sozluk-yayinlandi/

http://www.gurcuhaber.com/2021/11/20/kapsamli-lazca-gurcuce-sozluk-yayinlandi/

http://www.circassiancenter.com/tr/kapsamli-lazca-gurcuce-sozluk-yayinlandi/