“ქორთული ანსიკლოპედიური ზიტაფუნა” ქოგამახთუ

 

“ქორთული ანსიკლოპედიური ზიტაფუნა” ქოგამახთუ

 

მაგოშოგორე-  მაჭარალე ერდოღან შენოლიში “ქორთული ანსიკლოპედიური ზიტაფუნა” ჯოხონი ნოჩალიშე ანკარას გამიჩქვინუ. ანკარას გურჯისთანიში იფთინერი დიდელჩობა ოში წანა წოხლე გუინწკუ.  ერდოღან შენოლიში აჲა ნოჩალიშე გამიჩქვინერენ თურქიჲე- გურჯისთანიში დიპლომატიური ართიქართისობაში  მაოშანი  წანა შენი. ერდოღან შენოლიში  “ქორთული ანსიკლოპედიური ზიტაფუნა” ჯოხონი ნოჩალიშე გამიჩქვინერენ გურჯისთანიში ჶახრული კონსოლოსი, ნუროლ ჰოლდინგიში მაქთალეშ კომისჲონიში დუდმახვანჯე ნურეთთინ ჩარმიქლიში მადდურო ომხვაჯუთენ. ანსიკლოპედიური ზიტაფუნას გურჯისთანიში თარიხი დო თურქიჲეში გურჯეფეშენ ნამთინი თარიხური შაჰსიჲეტეფე, მაჭარალეფე, არტისტეფე, ნოღაფე დო ამუსთერი თემაფეშენ ხუტოში მადდე დოლოჭარს.

მუჰაჯირ ოჯაღიში ბერე ერდოღან შენოლი ჲეჩქინდუ 1973 წანას ნოღა საქარჲას; ისტანბოლიში ტექნიკური  უნივერსიტეტის  გომორგვაში მუენდისობას  დიგურუ. საკარჲაში უნივერსიტეტის მასტერი დოყუ; ექ მაგოშომგორე მამგურაფალო დიჩალიშუ. ერდოღან შენოლიქ  ნამთინი ქორთული მაკალეფეში თერჯუმე  დო არ დოკუმენტური ჶილმიში დუბლაჟეფე დოყუ. “შავშეთი დო ქლარჯეთიში სვა ჯოხოფე” ჯოხონი ქეთაბიში რედაქტორი  რტუ. ერეკლე დავითაძე/ ერდოღან შენოლიში ქორთულიშენ თურქულიშა თერჯუმე ქეთაბეფეთი ეშო: “აჭარაში აფხაზეფე”, “ოსმანლი- რუსჲაში ართიქართისობას აფხაზეთი”, “სქიდალა/ ომრი”, “კაჶკასჲას კოჩეფეში მენგაფურა დოლოქუნეფეში ჯინჯი   (ჩოხა ახალუხი)”.

aksamaz@gmail.com

http://www.gurcuhaber.com/2021/12/30/gurcu-ansiklopedik-sozlugu-yayinlandi/?fbclid=IwAR3lhVTjEt90N6IFiz_SeX2OgfLJVMOyvgwInXR5ZdjCt_-oGBniEteoNM4

https://aliihsanaksamaz.blogspot.com/2021/12/gurcu-ansiklopedik-sozlugunun-cktgna.html

 https://sonhaber.ch/gurcu-ansiklopedik-sozlugu-yayinlandi/

http://www.circassiancenter.com/tr/gurcu-ansiklopedik-sozlugu-yayinlandi/