იფთინერი ქორთულ- მარგალური ზიტაფუნა გამიჩქვინუ

 

იფთინერი ქორთულ- მარგალური ზიტაფუნა გამიჩქვინუ

 

იფთინერი ქორთულ- მარგალური ზიტაფუნა გამიჩქვინუ გურჯისთანიში ნანანოღა თბილისის. ალიო ქობალიაში ზიტაფუნა ქოგამახტუ გამამჩქუმალე არტანუჯიშენ. ზიტაფუნას 100  შილჲა კონარი ზიტა გეძინ. აფხაზეთი დო სამარგალოში ხალკიშენ ნოკორობე ზიტაფე კალა წოხლეშენ გამიჩქვინერი მარგალური ჶოლკლორულ- ეთნოგრაჶიური მატერჲალეფეშენ  ნოკორობე ზიტაფეთენ წოფხინერი რენ აჲა ზიტაფუნა. 

ზიტაფუნაში ედიტორეფე რენან ნონა ქობალია დო ნანა ქობალია. ზიტაფუნა გამიჩქვინერენ ხარება მაღვინობაში ჶონდიში ომხვაჯუთენ.

 ალიო ქობალიაში მარგალურ- ქორთული ზიტაფუნათი გამიჩქვინერეტუ გამამჩქუმალე არტანუჯი შკელენ 2010 წანას. აჲა ზიტაფუნას 90 შილჲა კონარი ზიტა გეძინ.

ჶილოლოგი, ჟურნალისტი დო  შაირი ალიო ქობალია დიბადუ 1927 წანას  ნოღა ზუგდიდიში რაჲონი ჩხოროწყუში ოფუტე ლექობალეს. სოხუმიში პედაგოჟიში ინსტიტუტიში ჶილოლოჟიში ჶაკულტეტიშენ გეჯგინობათენ დიმეზუნzamaskaუ. 1952 წანაშენ 1992 წანაშაქ ნოღა ოჩამჩირეს სქიდუ დო ოჩამჩირეში მუხურული გაზეთაში რედაკციას იჩალიშუ. სოხუმის გამიჩქვინერი არდიდო ქეთაბიში მჭარუ რენ. რუსული, ქორთული, მარგალური, ლაზური, აფხაზური ნენაფე ქუჩქიტუ. ალიო ქობალია დომიღურეს 2006 წანას  ნოღა ზუგდიდის.

 

aksamaz@gmail.com

 

https://sonhaber.ch/ilk-gurcuce-megrelce-sozluk-yayinlandi/

 

http://circassiancenter.com/tr/ilk-gurcuce-megrelce-sozluk-yayinlandi/