მარგალური ჟურნალი: "სქანი"

 

მარგალური ჟურნალი: "სქანი"

 

-გივიბეგი, ქართულიინტერნეტ- მედჲაშენქოვოგნი, “სქანი” ჯოხონი მეგრული ჟურნალი გამიჩქვინუ გურჯისთანის. ედო თქვანთი აჲა ჟურნალიში დუდრედაქტორი რეთ. “სქანი” პოლიტიკური ჟურნალი რენი? მუშენი გამაჩქვინუ “სქანი”?

 

-ალი იჰსან ბეგი, სელამი გიწომერთ. აჩქვა, ჟურნალი ჩქუნი შენი ნა მიკითხომთ, შუქური ოთქვალუში ბორეთ. 

„სქანი“ პოლიტიკური ჟურნალი ვა რენ. სქანი კულტურაში, მჩქინაჯობაში დო მჭარალობაში ჟურნალი რენ. მუშენი გამიშქვინუ სქანი - ჰაშო ონდი ჰანდღალეფეზ დიდოფექ იკითხეზ დორენ. მუჭო გიწვათ, დუნჲაზ არ ნენა ქოსქიდუნ ნა, ჰამ ნენა ისინაფინენ ნა, ჟურნალი მოთ ვა უღუტასენ? მაართანი იდეა მუში ჰაჲა რენ. მაჟურანითი - მარგალური ნა ღურუნ, ნა გამიჩოდენ არ ნენა რენ. კოჩი ღურუტაში, ჭამი მეჩარე. ნა მეჩარე ჭამითენ ნა ღურუნ კოჩი არ ნდღაში ვა იკარენ. ჩქარ ნა ვარ იკარენფეთი ქორენ, მორო. ამა, სი ხოლოთი მეჩარე, თამო-თამო, ირი ნდღაზ. არკელე ჭამი მეჩარე, არკელეთი ჭუმანდელი ნდღაში მედი. მა ბიდუშუნამ ქი, ჟურნალი ჩქინიშენი ჰაშო დომათქვენან - ჰეჲა მედი რენ, ჭამი რენი, ვა რენი, ნა მოხთასენ ნდღალეფექ მოძირანორენ.

 

-მუ პერიჲოდითენ გამიჩქვინასუნონ ჟურნალი თქვანი, “სქანი”?

 

-ჟურნალი „სქანი“ სუმ თუთაშენ არ ჶარა გამაბოშქვათენ.

 

- მუ სტატიეფე გამიჩქვინუ “სქანი”ში მაართანი ნომერის?

 

-მაართანი ნომერის რენ სტატიაფეში ჭეშიდი. ეთნოგრაფია შენი სტატიაფე  მიღუნან, მჯვეში სამარგალოს ოხორჯაში ხალი შენი დიჭარუ, ტარიხური სტატიაფე  ქორენ, კინჩეფეში პროფესიული  ლექსიკონი  ქორენ, ნენაში პრობლემეფე შენი პჭარუმთ, ლექსეფე, ჰექაჲეფე, თარგმანეფე  ქორენ, არ ლაზი კოჩიკალა ინტერვიუთი ქომიღუნან.

 

- “სქანი” რენ “მეგრული ნენაში ასოციაციაში” ორგანო; ეშო მიჩქინ. ამციქათი აჲა ასოციაციაშენ მოლამიშინით, მუიყვენ!

 

-ასოციაციაში დოდგალუ შენი დიდო ორაშენდონი ბიდუშუნით. ასოციაცია ვა რტუშაქის, ხოლო მუთხანეფე ბიქომტით, ამა ჰაშო კულტურული დულჲაფეზ, ნენაში ოჩალიშუფეზ ორგანიზაციული  სტრუქტურა უკორემზ. ასოციაცია  არ შემსიე სთერი ივასენ, თუდე მუშითი მარგალური  ნენაშენი  გური ნა მემაჭვენან დო დულჲაფე ნა მახენენან კოჩეფექ ოკობიბღათორენ.

- შუქური გიწუმერთ.

 

(14 V 2020)

 

aksamaz@gmail.com

 

 

 

 

https://www.youtube.com/watch?v=qRJaL2un6pU

https://www.youtube.com/watch?v=DJE8HYsPMXY

 

https://sonhaber.ch/megrelce-dergi-cikti-skani-%e1%83%a1%e1%83%a5%e1%83%90%e1%83%9c%e1%83%98/

 

 

 

http://circassiancenter.com/tr/megrelce-dergi-cikti-skani/

 

http://www.sediyani.com/?p=33578