(გოწოთქვალა: (აა-შენ) ანადოლუ აჟანსიშენ ჟურნალისტი ჲილდიზ აქთაშიქ ოკოიღარღალუ ალი იჰსან აქსამაზი კალა. ოკოთქვალაში თემა რტუ ლაზური ნენაში გეჭკაფული დერსეფე ჯოხონი ქეთაბი. აჲა ნოჭარე რენ ეჲა ოკოთქვალაში.10 XI 2013)
+
“ ჲა ქეთაბი რენ მოხვა გურაფაში პროგრამიშა!”
ანადოლუ აჟანსი: ლაზური დერსიში ქეთაბი ოჭარუ სოლენ ნოსიშა მოგიხთეს?
ალი იჰსან აქსამაზი: კონჲა სელჩუქიში უნივერსიტეთიშენ მამგურაფალე ქოგამაფთი. ეჩი დო ხუთ (30) წანაშენ დონი ინგლისური ნენაში მამგურაფალე ვორე. მა ლაზური დერსეფე მეფჩერეტი არ კიდალას, ნოღა ქადიქოჲის. აჲა რტუ (2012- 2013) ჟურ ვიტოშ დო ვიტო ჟურ- ჟურ ვიტოშ დო ვიტო სუმ წანაში გამანთანა დო გურაფაში პერიოდის. Фეიდე ოძირამუ შენი გამიჩქვინერი ჩქარ ქეთაბი ვა რტუ პიჲასას, ემინდროს. ეშო იყუში, დერსეფეში ნოტი დო ვიზუალური მათერჲალეფე ფხაზირი ხე ჩქიმითენ დო ეშო ქომეფჩი ეჲა დერსეფე. აჲა მათერჲალი მთელი გამიჩქვინასუნონ არ ქეთაბიში დოლოხე; ეშო ვისიმადეფტი მა.
ანადოლუ აჟანსი: არ დვაჭირობაშენ ჲეჩქინდუ აჲა ქეთაბი, ჰოი?
ალი იჰსან აქსამაზი: რეჯეფ თაჲჲიფ ერდოღანიში ფალანჭინალაში დემოკრატიზასჲონიში პროჟეთენ, ნამთინი აღანი ონწორანუფე იხვენუ მაჟურა სვალჲარული ნანანენაფეში სფეროს; აშოთენ ლაზური ნენათი იყუ მენოცხუნე დერსი ოხენცალეში ნწოფულაფეს. აჲა კარარითენთი, ლაზური ენსტიტუქ დოხაზირუ მუфრედათიში პროგრამი დო ქომეჩუ მებ- თალიმი დო თერბიჲეში კომისიას. ეჲა მუфრედათიში პროგრამი იკაბულინუ მარა, აჲა მენოცხუნე დერსეფეში ქეთაბი აწი, ემინდროს ვა რტუ. დულჲა აშო იყუშითი, მა ფკორობი დო პწოფხი წოხლენი ნოჭალიშეფე ჩქიმი ქეთაბიში фორმატითენ. ედო უკულეთი გამოჩქუში თექლიфითენ, ჩქიმდა მოხთიმერი გამამჩქვალა ლაზიკაში კოლლეთიфის ქომეფჩი. ქითაბი გამიჩქვინუ დო ნუნჭიშუ თუჲაფ- ნოღა ისტანბოლიში ქეთაბიში Фუარიშა; ექ გამიჩინენ ანდღანერი დღას.
ანადოლუ აჟანსი: ქეთაბიში დოლორენა მუ სევიჲეს რენ?
ალი იჰსან აქსამაზი: იფთინერი გამანთაში (4.) მაოთხანი, (5.) მახუთანი დო არჭიტათი (6.) მაანშანი სინიфეფეში/ კლასეფეში სევიჲეს რენ.
ანადოლუ აჟანსი: ქეთაბი შენი ოხვეწუ მეჩითი თთკ-ს?
ალი იჰსან აქსამაზი: მა, ქეთაბი შენი, აწი ოხვეწუ ვა მეფჩი (თთკ-ს) თალიმი დო თერბიჲეში კომისიას. მარა თქვანი აჲა კითხალა შკულე, გამამჩქვალა ლაზიკაში კოლლეთიфიში თი-მჩხუფეს ვაკვანდათ დო ენთეფექ პროსედურითენ ოხვეწუ მეჩან თალიმი დო თერბიჲეში კომისიას.
ანადოლუ აჟანსი: აჲა ქეთაბი იფთინერი რენი?
ალი იჰსან აქსამაზი: სოვჲეთური ოხენცალეში ორას, (1930-ონი) ვიტონ ჩხორო ოში დო ეჩი დო ვიტონი წანაფეს გამიჩქვინერი არ-ჟურ ლაზური დერსიში ქეთაბი ქორენ. აჲა ქეთაბეფეში უშინუთენ გიწვათში, ჰო; აჲა რენ გამიჩქვინერი იფთინერი ლაზური დერსიში ქეთაბი თურქიჲეს, აქონური მაგამანთანეში ნოხვენე; ეშო მათქვენან. ედო გურაფაში პროგრამიშათი მოხვა რენ აჲა ქეთაბი.
ანადოლუ აჟანსი: ლაზური ნენა იყუ მენოცხუნა დერსი ოხენცალეში ნწოფულაფეს. აჲა მენოცხუნე დერსიში ქეთაბი ვა რენ. ბერეფექ მუჭოში იგურაფან?
ალი იჰსან აქსამაზი: ჩქინ ქომიყოუნან ოფშა დულჲამხვენუ მამგურალეფე ნწოფულაფეს. ნანანენა მუთეფეშითი რენ ლაზური. ამკათა მამგურაფალეფექ ოგურაფან მამგურეფეს. ედო მუфრედათიში ონზღონითენ, ამ დულჲამხვენუ მამგურაფალეფექ ხაზირუფან დერსიში ნოტეფე ჩქვადოჩქვა ჭარელი ოდუდეფეშენ დო ოგურაფან; ეშო მიჩქინ. აშოფეთენთი фეიდონი დულჲაფე იქიფან. მორო მუ, ლაზური ნენაში გეჭკაფული დერსეფე ჯოხონი ქეთაბი ჩქიმიქთი ენთეფეს ნუშველასუნონ. აწი არ ჩქვა პროჟეში ჟინ ვიჩალიშეფ. ეჲათი, აჲა ნოხვენე ჩქიმიში ნაყონა იყვასენ. (10 XI 2013)
