ალი იჰსან აქსამაზი: მა მიჩქინ, თქვან კაфკასჲა კალათი კაპეტი კონტაქტეფე გიღუნან. ექონური ჩერქესეფეს ჩერქესული ნწოფულაფე უღუნანი? ჩერქესული გაზეთა-რადიო-ტელევიზჲონი უღუნანი?
ჲალჩინ კარადაში: პუტინიში ხეცალათენ დღაშენ დღაშა, ოხენცალეს фედერალიზმიში გაგნაფა გუნდუნუნ. მარა სოვჲეთური ხეცალაშენ გენომსქიდე გჯინათენ, რუსჲაში Фედერასჲონიშა მეკირელი ოხენ3ალეეფე ჩქინის ქუღუნ ჩქინებური ნწოფულაფე, ჩერქესული რადიო-ტვ-ფე; ონძღონერი დო უბაღინე რენ, მარა ქორენ. ნანანენათენ ნწოფულა, რადიო-ტვ-ში ჭანდინაფე ქომიღუნან. მაჟურა ოხენცალეფეშ კელენ ჩინერი აფხაზეთი დო ომჟორე ოსეთი რენ ოხენცალე ოყოფიმუში გზას რენან; დორკინობა მუთეფეშითი მანიშა ონწურანუფან; ეშო ქომეფშვენ. მარა, პუტინიში ოქთალაში აღანი ნანანენაში კანონიქ მეკარბასუნონ სოვჲეთური ხეცალაშენ გენომსქიდე გჯინა. ხოლო აჲა კანონიქ მეკარბასუნონ რუსჲაში დიდო-ეთნიკონი фედერალური კიდალა. ედო აჲა აღანი კანონიქ გზა მეჩაფს მონოისტური მილლეთ-ოხენცალეშა. აჲა გზა რენ ცადერი დო ოფშა ოშქურნონი. აჲა რენ რაზისტობა დო ასთერი ოღოდობაფესთი გზა ნაჩენან რუსჲაში Фედერაჲონიში გოშობღინუშა; მა ეშო ვისიმადეფ. მორო, რუსჲაში Фედერაჲონიში გოშობღინუ ვა რენ ნორმალი დო ეჲა ჩქარ ვა მომწონდუნან.
ალი იჰსან აქსამაზი: კაфკასჲა, ჩერქესჲა რენ თქვანი ნანადიხა მარა, თურქიჲეთი რენ თქვანი მაჟურა დობადონა. თურქიჲეში ჩერქესეფეში მახორობა, კაфკასჲაში ჩერქესეფეში მახორობაშენ ჩქვა დიდო რენ; ეშო მიჩქინ. ჩქინ მიჩქინან, ჩერქესული ნენა ღურუნ თურქიჲეს. ნანანენა ღურაში, მინობათი ღურუნ. მიჩქინ, კაфკასჲას, ექონური ჩერქესეფეს ჩქვა კაფეტი ჩერქესული ნანანენა ქუღუნან დო წკარი სთერი ღარღალაფან ნანანენა მუთეფეში. ეშო გიწვათ; თურქიჲეში ჩერქესეფეში მახორობა რენ დიდო, კაфკასჲაში ჩერქესეფეში მახორობა რენ ჭიტა მარა, ჩერქესული ნენა ღურუნ თურქიჲეს, კაфკასჲას სქიდუნ. აჲა ხალიში მთინი სებები მუ რენ? აჲა რენ მაართანი კითხალა ჩქიმი. მაჟურანითი ქომიღუნ. თურქიჲეში ჩერქესი გამანთანერეფექ ხე-ოკოკლიმერი ვა იჩალიშეფან ნანანენა მუთეფეში ოფიქირუ-ოშენუ შენი მარა, ართიქართი კალა უდოდგინუ პოლემიკეფე იქიფან. აჲა ხალიში მთინი სებები მუ რენ?
ჲალჩინ კარადაში: მკულო მოლაგიშინათ. “ნანა-ბაბაფექ ვა ღარღალაფან ნანანენა მუთეფეში ბერეფე მუთეფეში კალა ოხორისჲა; ემუშენითი ნანანენაფე თქვანი ღურუნან,”-ჲა თქუმერნან ნამთინეფექ. აჲა ვა რენ ნანანენაში ღურაში მთინი სებები. დულჲა ეშო ვა რენ. ნანანენაფე ჩქინი ღურუნ. მარა აჲა ღურაში მთინი სებები რენ არ-ეთნიკონი, არ-ნენონი, არ დინონი, რაზისტი, თურქისტური მილლეთ-ოხენცალეში ასიმილასჲონისტური პოლიტიკაფე. აჲა რენ ჩქინი ოშქარული ოხენცალე მარა; ოხენცალე ჩქინიქ იხმარუ მთელი მენჯელი მუში ნანანენაფე ჩქინი ონჯღორონი სუვერეფეთენ ოღირუნუ შენი.
ხეცალა მუში ოკაპეტანუ შენი აქპ-ქ ქოგამიღუ აღანი ნამთინი კულტურული კანონეფე. ედო აჲა კანონეფეში ჰუქმითენთი, ნანანენაში გამანთანა იყუ მენოცხუნე დერსი ოხენცალეში ნწოფულაფეს. მარა ჩერქესეფე რენან ნოღური დო გოშობღერი სქიდუნან ნოღაფეს; ამკათა მინობა უღუნან ანდღანერი ნდღას. მენოცხუნე ნანანენაში დერსიში სინიфეფეში გონწკიმუს უნონ მამგურეფეში მეჩქინერი მუკონობა. აჲა მეჩქინერი მუკონობა ვა აყვენ ჩერქესეფეს, ჩერქესეფე გოშობღერი სქიდუნან ნოღაფეს დო ემუშენი. აჲა მეჩქინერი მამგურეფეში მუკონობა რენ დიდი ენდოლი ჩქინი ოკვანდუშა.
ჩერქესი გამანთანერეფეშა ქომოფთათ აწითი; ჩერქესეფეს ქუღუნან უკორეცხუ დერნეღეფე. მარა ოხენცალეფეში კაპეტი მანიპულასჲონითენ, მჭიფაშაში ორგანიზე-ხვანერი ვა რენ ჩქინი ლამთინალა. ჩქინ ფსქიდურთ წოხლეშენ ხვენერი თურქობაში აქტიში ლანდეთენ. აჲა აქტი ვა ოხოიწონენ, ვა იძირენ, მარა მუში ონძღონეფეს თი ვა გენდრიქაში, მანიშა მონკა ჯეზაფე მექჩაფს.
თურქობაში აქტიში ლანდეთენ, გამანთანერეფეში ონწოფულუ რენ დიდო მეჭირელი. ხალკისთი ვა ოხვაწონენ ამ გამანთანერეფე; აჲათი დიდო დიდო მეჭირელი.
ჩქინებური ნამთინი გამანთანერეფეს ქუღუნან პოლიტიკური მინობა. აჲა მინობა რენ (12) ვიტოჟურ სტაროშინაშენ წოხლენი ორაფეშენ გენომსქიდე. ამ ჩქინებური გამანთანარეფეს ვა აჩალიშენან მაჟურა გამანთანერეფე კალა ართოთ ანდღანერი ნდღას. ენთეფეში შქას დიჲალოგი ვა რენ მუმქუნი; ეშო იძირენ, ენთეფექ ართიქართი გზამშინე ჯუმალეფე ვა შინაფან დო ემუშენი.
ჩქინ დიდო გამანთანერი ქომიყოუნან მარა, დიდოფეთენ წოხლენჰუქმონი დო ბუნდური რენან. ამ გამანთანერეფეში დოლოხე, წოხლენუჰუქმონი დო დულჲამხვენუ გამანთანარეფეში მახორობა რენ ჭიჭიტა; აჲა მიჩქიტან. ამ გამანთანერეფექ შურდოგურითენ იჩალიშეფან. მარა სტატუკოში კელენერეფექ დო თურქობაში აქტიში გურონი კელენერეფექ; გინონ კოჩეფექ, გინონ დერნეღეფექ, ამ წოხლენუჰუქმონი დო დულჲამხვენუ გამანთანარეფეს ვა ნუმხვაჯუფან; ენთეფეს გზა ვა მეჩაფან, ენთეფეს კაბაეთი ნუკიდაფან; ვარნა ენთეფეში რენობა ვა ძიროფან.
ინტერნეტიშ ქიანაში პროვაკატორეფე დო მაქუфურეფეში მახორობა რენ დიდო. ამ კოჩეფეს დიდო მოწონდუნან კაპულაშენ გეჩამუ. ედო ამკათა ბუნდური კოჩეფეს ვა მოწონდუნან фრონტიშენ გეჩამუ. ამკათა ოღოდოფაში ჩოდინათი ეშო რენ: ბუნდური კოჩი დო დერნეღეფეში ნოჩალიშე რენ ჭიტა ნოხვენე; არ-ჟურ დულჲამხვენუ გამანთანერიში ნოჩალიშე რენ დიდო ნოხვენე!
ალი იჰსან აქსამაზი: ჲალჩინ ბეგი; თქვანთი გიჩქინან, მინობა რენ პოლიტიქური თემაფეშენ მარა, დიდოფეთენთი კულტურული დო ლინგვისტური თემა რენ. ნანანენა ღურაში, მინობათი ღურუნ. ხვალა ჩერქესული ქოთუმეში ოჭკომალეთენ, ჩერქესული დანსეფეთენ, ჩერქესული ადეთეფეთენ ჩერქესული მინობას ვა ასქედინენ. დიდო კოჩიქ, “მა ჩერქესი ვორე, მარა ჩერქესული ნენა ვა მიჩქინ,”-ჲა თქუმერს. ოჭკომალე, დანსი, ადეთეფეთი დიდო ბეჯითი რენ მარა, ნანანენაში ოსქიდუ-ოსქედინუ რენ ირიშენ ბეჯითი. აწი ოხენცალექ ასიმილასჲონისტური მჯვეში პოლიტიკაფე ნაშქუ. ნანანენაფეში ღურაშენ ოხენცალეში ასიმილასჲონისტური მჯვეში პოლიტიკაფე რტუ მესული მარა, ანდღანერი ნდღას დულჲა იქთირუ; მჯვეში ენდოლეფე ვა დოსქიდუ. მა თქვან გკითხათ მინონ, ჩერქესი გამანთანერეფექ მუშენი ხე-ოკოკლიმერი ოჩალიშუთენ არ ჩერქესული რადიოში გედგუშა თოლი ვა უღუნან?
ჲალჩინ კარადაში: წოხლენი კითხალას დობაღინე ნენა გეგიქთირით; ეშო დომაწონენ. მარა, ეგერე ჩქინ აჲა დობადონაში ოშქარული მანჯეფეშენ ვორეთ ნა; ეშო ვორეთ, მა ეშო ვისიმადეფ; ხეს მუხთეფს კონარი, ოხენცალე რენ ომხვაჯუში ჩქინებური მინობაფეს. ამკათა ნიჲეთი ვარენ; ეშო იძირენ.
დიდო წანაფე წოხლე, მამხირე დო უეხლაკონი ნამთინი კოჩეფექ ხე გედვერეტეს გაჲრიმუსლიმეფეში ფარა-მალის დო აშოთენ სერმაჲე ყვერეტეს თი-მუთეფეში შენი. ჩქინ ხალკის ამკათა ხამფაფე ვა უყონუნ. ემუშენითი ჩქინ ვა გემადგენან ნწოფულაფე ბერეფე ჩქინი შენი, ემკათა ფარაში მანჯე ვა ვორეთ დო ემუშენი. ანდღანერი ნდღას, ჩქინ ხოლო ვა ჲემაჭოფენან მჯვეში ჩერქესული ნუმუნური მექთებიში ბინა აკარეთლერის; ეჲა ხოლო ნოწირენი ნწოფულა ოწოფხუში фინანსური მენჯელი ვა მიღუნან, ჩქინ ვა მიყოუნან ემკათა მახირე ხამფაფე დო ემუშენი!
გამანთანერეფეს ხე-ოკოკლიმერი ახვენენან კართა ფუქირონი კულტურული დულჲა; მარა ხე-ოკოკლიმერი. აჲა რენ ირიშენ ბეჯითი ნოღირაფე ჩქიმიშენ ართი სქიდალას: დღა მომიხთასუნონან დო მუთლაკა აჲა დულჲა მახვენასუნონან ჲადო მეფშვენ მა!
ალი იჰსან აქსამაზი: კოჩი იფთი თი-მუშიში მანჯე იყვასენ; ეშო მიჩქინ. უკულეთი მაჟურეფეს ხე მეჩასუნან; აჲათი აშო მიჩქინ. ნამთინი ჩერქესი გამანთანერეფექ ართიმაჟურას ხე მეჩამუთენ ვა იჩალიშაფენ მარა, ქურდული პარტის ნუმხვაჯუფან. ქურდული ფარტის ჩერქესი გამანთანერეფეში მენჯელი უკორემსი? მუშენი ნამთინი ჩერქესი გამანთანერეფექ ხე-ოკოკლიმერი ჩერქესული ნენას ვა ნუმხვაჯუფან დო კურდული პარტის ნუმხვაჯუფან? ამკათა ლაზი, გურჯი დო აბხაზი გამანთანერეფეთი ქორენ. ქურდეფეში პარტიქ, “უდოდგინუ სქიდას ხალკეფეში ჯუმალობა”-ჲა თქუ დო თქუმერს. მარა აწიშა, ქურდული პარტიშენ ჩერქესი, აბხაზი დო ლაზი მებუსი ვა გამახთუ! მუეფე იზმონთ?
ჲალჩინ კარადაში: ჰდპ დო უმოსი წოხლენი ქურდული პარტიფეს ვა უღუნან სამიმური ზმონა, გაგნაფე დო სიმადეფე; ეშო ვიჯერ მა, გურის აშო მეკამილაფს. ნამთინი მანაბრეფე ჩქიმის ვა მოწონდუნან აჲა სიმადა ჩქიმი; აჲათი მჭიფაშაში ქომიჩქინ მა. მთელ გოშოცხუნაფეში ორაფექ ომთინუფან ჩქიმი სიმადა. ჰდპ რენ ოპორტუნისტი დო პრაგმატისტი. მარა ჰდპ რენ პათიში კაი. ალტერნატიური გზა ვა რენ, ემუშენითი მათი ჰდპ-ს ხონარი მეფჩაფ.
ნამუ პარტის ხონარი მეფჩა? ხალკი მუშიშა კაპულა მუში გოქთერი; უკითხუ ახბაფ-ჩავუშური კოჩეფე კალა ართოთ გზას გედგინერი; გოშოცხუნაშენ გეჯგინერი გამახთიმუში იხთიმალითი, ნა ვა უღუტუშენ წოხლეთი ხალკი მუშიშა თი-მოწოდერი; პროვოკასჲონი, ქუфური დო იфთირაფეთენ გზას გედგინერი სუმ-ხუთ უნოსე კოჩიში ოსთიბინუშა მედგინერი უმენჯელონი დო უგეჯგინერი; ჩილათა დო უგეჯგინობა მუშიშენ ჩქარ უდერსონი; უგეჯგინობა მუშიში ბრალი, ჩქიმი დო დერნეღეფეში კაპულას მოკიდერი; ჯოხო მუშიში ბონჯა “ჩ”
ჟოკერიშა გოქთინერი მწვადელა პარტისი?!
მთინური მამტკუბე, დემოკრატი დო ხალკეფეს ჰიჲერარშითენ კიმეტი, ნა ვა მეჩასუნან დო თურქობაში აქტი, ნა ხარასუნონ აღანი პოლიტიკური ოხონკანა დომაჭირნან; ჩერქესეფე, ლაზეფე, ქურდეფე, თურქეფე დო მაჟურა ჩქვადოჩქვა მინობაფეს დვაჭირნან ამკათა აღანი ოხონკანა.
არ მინობა, არ რაზი დო არ ეთნიკური ჯგუფიში ჯოხოთენ გედგინერი პოლიტიკური ფარტიფე; ამკათა პოლიტიკური პარტიფე ვა ნირგენან აჲა დობადონაშა; მარა ზარარი მეჩაფან; ეშო ვისიმადეფ მა.
ალი იჰსან აქსამაზი: ხოლო ნამთინი ჩერქესი გამანთანერეფექ დიდოფეთენ თურქიჲეში ჩერქესეფეში კულთურული ჰაკკაფეშენ ვარდო, რუსჲაში Фედერასჲონიში ჩერქესეფეში ხალიშენ, თარიხიშენ პოლიტიქა იქიფან. აჲა ენთეფეში ანტაგონიზმა ვა რენი თი-მუთეფეში შენი? ამკათა გამანთანერეფეს დიდოფეთენ ვართი ჩერქესული ნენა ვართი რუსული ნენა უჩქინან მარა, ხოლოთი დიდო ღარღალაფან აჲა სფეროს დო მუთუ ვა იქიფან. კოჩის დობაღინე ამბარი ვა აყუში, კოჩის ნანანენა ვა აყუში, კოჩის ნანანენაში ოსქედინუში სიმადა ვა აყუში; ამ კოჩიში პოლიტიკური ნოთქვამეში ლანდე იყვენი რუსჲაში Фედერასჲონიში ხალკიშა? მუეფე ისიმადეფთ ამკათა სიმადეფეში ჟინ?
ჲალჩინ კარადაში: ჩერქესი გამანთანერეფეს ნანანენა უჩქიტან ნათი, ვა უჩქიტან ნათი, კაфკასჲაში ჩერქესეფეში პრობლემეფე კალა იბოდერნან; ობოდუში რენან. ჩქიმი თოლითენ; აჲა რენ ჩერქესი გამანთანერი ოყოფიმუში დვაჭირობაფეშენ ართერი. მორო, ნანანენა მუში, ნა უჩქინ გამანთანერი რენ უმოსი ჩქინაფერი. ლამთინალა ჩქინიში თოლითენთი, ამკათა ჩქინაფერი გამანთანერეფე რენან კაპეტი დო დიჲალოგიში კოჩეფე. მარა დობადონაში ნეგატიური შარტეფეში გური შენი, დიდო გამანთანერის ვა აგურუ ნანანენა მუში. ამკათა კოჩეფე ვა რენ მთინი გამანთანერი ჲადო ოთქვალუთი რენ ხილაфი/ ჩილათა.
ალი იჰსან აქსამაზი: ანდღანერი ნდღას, (20.) მაეჩანი ოშწანურაში ოфიციალური იდეოლოჟეფეთენ ვართი ოხენ3ალეფე დო ვართი ჩერქესი გამანთანერეფეს ასქედინენან. მარა ჩერქესული ნენათი ღურუნ თურქიჲეს. თქვან მუფერი კონკრეტული პროჟეფე მეგაგურენან ჩერქესული ნენაში ოსქედინუში სფეროს?
ჲალჩინ კარადაში: თურქიჲეში ხალკეფეში დო ენთეფეში გამანთანერეფეს დვაჭირნან ხე-ოკოკლიმერი ოჩალიშუ/ ოხანდუ ოშქარული კულტურული პროჟეფეში ჟინ. ჩქვადოჩქვა ხალკეფეშა ბეჯითობა მეჩამუთენ ჲეჩქინდასუნონ კულტურული წოხლეხთიმუ აჲა დობადონას. იფთინერო, თურქიჲე ოყოფიმუში რენ მთინური მამტკუბე დო დემოკრატი დობადონა; ეშოფეთენ მაჟურა ნანანენაფე დო ჩქვადოჩქვა კულტურეფეს ასქედინენან დობადონა ჩქინის. ჩქვანერობაფე რენ დობადონა ჩქინიში ხამფობა დო ხალკეფეში ჰიჲერარშიული სტატუ ვა რენ ადილური. იფთინერო, ამკათა აღანი სიმადაფე დომაჭირნან; უკულე ფუქირონი ამბარეფე მაყვასუნონან, მორო. აჲა დობადონაში ხალკეფეს ართიმაჟურაშენ ამბარი ვა უღუნ; ართიქართი ვა იჩინოფან. გამანთანერეფე დიდოფეთენ მაეზბერე რენან; თურქისტური დო მონოისტური რესმური იდეოლოჟიში გზას რენან. აჲა რესმური იდეოლოჟიში ლანდეშენ თი-მუთეფეში მოშლეთინუ შენითი გზალეფე ვა გორუფან. ემინდროსთი, ჩქინ მანჭენან დიდო დულჲა. იფთინერო, კართა გზათენ, ხალკი ჩქინის, უკულეთი მაჟურაფეს ოხოწონაფუში ვორეთ ჩქინ. ჩერქესული ნენაში დო მაჟურა მოვარელი ნანანენაფეში ოსქიდუ შენი, ოხენცალე ომხვაჯუში დო ოჩალიშუში რენ კართა სფეროს. ჩქინ დომაჭირნან ჩქინებური ნანანენაში კურსეფე დო ნწოფულაფე. ამკათა კურსეფე დო ნწოფულაფეში გონწკიმუ შენი ოხენცალეში ომხვაჯუ დომაჭირნან; ხვალა-ხვალა ჩქინ ამკათა დულჲაფე ვა მახვენენან, ვა მაბეჯერენან ანდღანერი მენჯელი ჩქინითენ. ოხენცალე რენ ოხვენუში ამკათა დულჲაფე რადიო-ტვ-ფე დო მედიაში ხეთენ ჯიდდირო. აჲა ოხენცალე ხვალა თურქული ეთნიკური ჯგუფიში ვარდო, მთელი ლამთინაში რენ ნა, მორო. მარა, ანდღანერი დღასთი, კაიხეშა იძირენ, ოხენცალე რენ გონწკიმერო მცუდელა დო მამოვარე; მა ეშო ვისიმადეფ. დობადონაში მისობა დო დემოკრატობა ჲეჩქინდუნ ტკუბობა დო ოკოშინუშენ. ჩქინ ვა მშინაფან, ამკათა ზმონა დო გაგნაფაშენ ფუქირონი ამბარეფე ჲეჩქინდუნი? იფთინერო, ამკათა ეზბერეფე ოკოხუ დომაჩირნან. მინობა ჩქინი ოსქიდუში რენ, მაჟურა ჩქვადოჩქვა მინობაფე კალა ართოთ; იფთინერო, აჲა ოხოწონაფუ დომაჭირნან ჩქინ კართა სუვერითენ.
ალი იჰსან აქსამაზი: ჲალჩინ ბეგი; ჩერქესი გამანთანერეფეს დიდოფეთენ პოლიტიკური ნოჩალიშეფე ვა უკორემან, მარა ნანანენა მუთეფეში ოსქედინუ უკორემან; მა აშო ვისიმადეფ. ამკათა ნოჩალიშეფექ ჰემი ჩერქესული ნენა ოსქედინასუნონ, ჰემი თურქიჲე დო რუსჲა Фედერასჲონიში მანებრობას მხუჯი მეჩასუნონ ჰემითი აწიშა ჩერქესეფეში ჯოხოთენ ხვენერი უფელაფერი ნოჩალიშეფე ოჩოდინასუნონ. მა აშო ვისიმადეფ. თქვან მუეფე იზმონთ?
ჲალჩინ კარადაში: ალი იჰსან ბეგი; კართა ენდოლიშა მედგინერი ჰემი პოლიტიკური, ჰემი კულტურული, ჰემითი თქვანი ნოთქვამეში ბეჯითობათენ, ნანანენაში ნოჩალიშეფეში ოკაპეტანუ დომაჭირნან; ეშო ვისიმადეფ მა. არ კოჩი ოყოფიმუში რენ არ სფეროში ხჩეთომონი. ედო კართა სფეროში ხჩეთომონეფეთი ოჩალიშუში რენან მაჟურა სფეროფეში ხჩეთომონეფე კალა ართოთ. აშოთენ აფუქურენ ჩქინებური ხამფობას.
ალი იჰსან აქსამაზი: ისრაილის გელადგინერი ჟურ ოფუტეს ჩერქესული ნენა სქიდუნ. აჲა ბეჯითი თეჯრუბე შენი მუეფე გათქვენან?
ჲალჩინ კარადაში: ნოსერი კოჩეფექ ოქთალაფან ისრაილი; ეშო იძირენ. ისრაილის ქუღუნ ჟურ ჩერქესული ოფუტე. მარა ექონური ჩერქესეფეს ქუღუნან კართა ეთნიკური; ნენალური დო მინობური ჰაკკეფე. ჩერქესეფე დიდოფეთენ თურქიჲეს სქიდუნან მარა, ჰაკკი დო ხუკუკეფე მუთეფეში გონწკიმერო ვა ნიჩინენ. ისრაილიქ ძიროფს პოზიტიური ზმონა დო გაგნაფა ექონური ჩერქესეფეშენ, მარა თურქიჲექ ვარ. ედო ამკათა დობადონას ვა აყვენ მისობა; ეშო ვისიმადეფ მა. ნოხვენეფე ვა დოსქიდუნ უჯოღაპონი.
ჭუმენ ქიანა იქთენ. ედო ამკათა პოზიტიური დო ნეგატიური ნოხვენეფეში ჩოდინათი მჭიფაშაში იძირენ; ოსქიდუში ორა მაყვანში, მორო, მაძირასუნონან.
ალი იჰსან აქსამაზი: ჲალჩინ ბეგი; მა ჩქვა კითხალა ვა მიღუნ თქვანდა. თქვან ოთქვალუში ჩქვა მუთუ გიღუნან ნა, მიწვით, მუ იყვენ! ალლაჰიქ პანდა დოქჩვან დო ბერე-ბარი კალა გოხელან!.
ჲალჩინ კარადაში: დიდო ხოლოსონი ორაშაქის, ვართი ლაზეფეს, ვართი მაჟურა კაфკასური ხალკეფეს, დიდოფეთენთი ვართითი ჩერქესეფეს მიჩქიტეს ართიქართიში ოშქარული ჯინჯიშენ ამბარი. დიცხირიმშინე ქოვორტერეთ, მარა ამბარი ვა მიღუტერენან. აჩქვა ქომიჩქინან აჲა მცხადე. ანატოლიში მთელ ხალკეფე, მარა იფთინეროთი ლაზეფე, გურჯეფე დო გურჯეფე კალა მაჟურა ხალკეფეში ხე-ოკოკლიმერი ჯუმალობა რენ ირიშენ ბეჯითი; ჩქინ აშო ვისიმადეფთ. ხე-ოკოკლიმერი კულტურული პროჟეფე ოხვენუში ვორეთ. ჰაკკი ჩქინი ოგურუსთი, უჰაკკობაფეშა მედგინერი ოკომხვაჯუსთი ართოთ ოყოფიმუში ვორეთ. აჩქვა აჲა ზმონა დო გაგნაფა რენ სქიდალური ბეჯითობა კართა ხალკი შენი.
ლაზეფე რენან აჲა დიხაფეში ირიშენ მჯვეში ოტოქტონური ხალკი. მარა ხოლოსონეფე თქვანისთი აჲა მცხადეშენ ამბარი ვა უღუნან. ლაზური რენ ნენა; ლაზური ნენაშენ ამბარი ვა უღუნან. მთელ უჩამზოღარეფე ლაზი ვა რენან; აჲა ვა უჩქინან. ლაზეფე თურქი ვა რენან, აჲა ვა უჩქინან. დულჲა თქვანი რენ ოფშა მეჭირელი. დულჲა ჩქინი რენ ოფშა მეჭირელი. აჲა მეჭირელობაფეს გეჯგინუ შენი ართოთ ოყოფიმუში ვორეთ.
აჲა ვესილეთენ, აჲა ოკოთქვალუ შენი მა თქვან შუქური გიწუმერთ. ჯუმა ლაზი ხალკისთი ყოროფა, სელამი დო ჰურმეტი მევუმჩინაფთ.
