შეჰზათ აჲართეფე ნა ვიჩინი თარიღიშაქის, 1990-ონი წანაფეში მაართანი წანაფეს თურქეთის ნა გამიჩქვინუ დო ლაზეფეშენთი ნა მოლაშინაფტუ ნაკოთხანი სვარა ვიკითხეეტი. ანსიკლოპედეფეში მადდეფეთი. ლაზეფეში ისტორიაშენ, არ სტატია ნა ჭარეეტუ მაართანი ლაზი ნა რტუ შენი, მუში კალათი კონტაქტი დოპეეტი. ნა ვიგურეეტიფეშენ მეტი, ნა ვარ მიჩქიტუ თემაფე მუშიშენ ნა ვიგურამინტუში იმენდითენ, მოვიკითხეეტი. მუში კალა ნა პით ოკოხთალაში მორგვალის, ჩქიმდა ნა მიწუ ნენაფეშენ ნა ვიგურეფე, ემ ორაშენ წოხლე ნა ვიგურიფეშენ ჩქვანერი ნა ვა რტუ ოხოვოწონეეთი. მარა, მუში სტატია დეტალუროთ ოკითხუში დერდი მიღუტუ. მპოლიში ავროპაშ კელე ნა რტუ ჩქიმი ოხორიშა გოვიქთიში, ასთა-ხოლო სტოლის დოფხედი დო შეჰზათ აჲართეფეში სტატია ოკითხუს გევოჭკი. არ ჶარა, არ ჶარა ჩქვა დო მასუმანი ჶარა ვიკითხი.
1976 ში წანას “უჩამზოღაში ამბარი” ჯოხონი გაზეთის ნა გამიჩქვინუ სტატია მუში დიდო გინძე რტუ. დოლოხე მუშის არ რუკათი უღუტუ. ამ რუკაქ კავკასია დო ჲულვარი უჩამზოღაში ტერიტორია დო ექონაშის ნა სქიდუტუ ხალკეფეთი ოწირაფტუ. ჯოხო მუში “ლაზეფეში ისტო’არია” ნა რტუ ამ სტატიას ხუთი ბურმე უღუტუ. ენთეფეთი ეშო რტუ: “ნა ისქედინეტუ ტერიტორია”ჯოხონი ბურმე, “ლაზეფეში ჯინჯი” ჯოხონი ბურმე, “ოსმანური იმპერიაში პერიოდიში ლაზეფე” ჯოხონი ბურმე, “ლაზური ნენა” ჯოხონი ბურმე დო “რეჶერანსური სვარეფე”ში ბურმე.
შეჰზათ აჲართეფექ ირიშენ წოხლე, თურქეთის ოჶიციალური ნა რტუ დო ამ თერეში ეთნიკური სტრუქტურა ნა ოწირაფტუ არ რუკა ნა ვარ უღუტუში ოთქუთენ, სტატია მუში ოჭარუს გჲოჭკაფტუ. აჲა რტუ ირიშენ ბეჯითი თქვალა, 1976 ში წანა შენითი, ანდღანერი ნდღა შენითი. ამ თქვალა მუში, ემუქ მუ კონარი ღნოსონი დო გურამი ნა რტუ მოწირაფტეს. შეჰზათ აჲართეფექ, თურქეთის არ ეთნიკური რუკა დვაჭირტუ ჲადოთი ჭარეეტუ. ჰომოგენური ნაციაში თეორი რეალისტური ნა ვა რტუ ჲადოთი ნაყონუფტუ სტატია მუშის შეჰზათ აჲართეფექ. თურქული ნაცია ჩქვანერი ეთნიკური ხალკეფეში არ სენტეზი ნა რტუთი ჭარუფტუ. შეჰზათ აჲართეფექ თურქეთიში ამ სენტეზიში დოლოხე, ლაზეფე კაპეტი, ეჶექტილონი დო ბეჯითი არ ხალკი ნა რტუთი ოწირეეტუ. თურქეთის ეთნიკური რუკა ნა ვარ უღუტუ ჲადო ჭარეეტუ თინა, შეჰზათ აჲართეფექ ლაზეფეში მჯვეში დო ემ ნდღანერი ნაკონობა მუთეფეში კოროცხელი ნა ვა რტუთი ხოლო თქუმერტუ. ლაზეფექ ნა სქიდუტუ ტერიტორია, ნაკონობა მუთეფეშიშენ უმოსი აშიქჲარი ნა რტუ ოწირაფტუ.
დიდო დიპლომატური დო ტექნიკური არ ნენა ნა იხმარეეტუ შეჰზათ აჲართეფექ ლაზეფექ ნა სქიდუტუ ტერიტორიაში პარალელური დო მერიდიანეფე მეჩაფტუ დო ენთეფეშ დოლოხე ნა სქიდუტუ ხალკის ლაზი ნა ითქვეტუ ჭარუფტუ. ექსპერტეფეშ ჩქინაფეში რეჶერანსითენ, ლაზეფექ ნა სქიდუტუ ტერიტორია, კოჩეფეში ოსქედინუ, ომრალუ დო ორდუ შენი დიდო მოხვა ნა რტუ ირის ოგნაფაფტუ. ლაზეფე შენი, თემელური ანეკდოტეფეს ნა ითქვეტუ სთერი ნა ვა რტუ ოხოწონაფაფტუ დო ლაზეფე დიდო ღნოსონი დო თოლი გონწკიმერი კოჩეფე ნა რტუში ჩქინა ირიში ნოსის ამაჩქუმერტუ. ისტორიას, დიდო ბეჯითი ცივილიზაციაში მანჯე ნა რტეეტუ ამ ხალკი უღნოსე ნა ვა იყვასუნტუში სებებეფე თქუმერტუ.
შეჰზათ აჲართეფექ ლაზეფე კავკასიური არ ხალკი ნა რტუ, კავკასიური ჯინჯი ნა უღუტესთი ზოპონტუ. ლაზეფეშ ქრისტიანობა დო ოსმანური იმპერიაში პერიოდის მუსულმანი ოყოფინუში პროცესი ოგნაფაფტუ სტატია მუშის.
16 მირკანი 1921 თარიღონი თურქო-რუსულ ახტიშენთი ინჶორმაცია მეჩაფტუ შეჰზათ აჲართეფექ, ჟურ კელეშა ოკორთერი დო გვერდი მუში თურქეთის დო გვერდი მუში ოქორთურას ნა დუსკიდეეტუ სარფი ჯოხონი ოფუტეში ტრაგედიაშენთი ემოციათენ ღარღალაფტუ. არ ორაფეს ართნერი ოფუტეში ხალქი ნა რტუ სარფულეფე, აწი ჩქვანერი თერეფეში დობადონამშინეფე ნა იყუშენ დო ართიქართიში დობადობა, ზაბუნობა, ღურა დო ხელა სთერი გაგნაფა მუთეფეში ართიქართის ბირაფაფეთენ ნა ოგნაფაფტესში ამბარი ჭარუფტუ. მაართანი ქიანური ოკოკიდინუში პერიოდის ოსმანური დევლეთის ნა ისქედინუ დიცხირონი ამბარეფეშენთი მკულე ინჶორმაციაფე ნა მეჩაფტუ შეჰზათ აჲათეფექ, ლაზეფე თურქეთიში კაი, დულჲამხვენუ კოჩეფე ნა რტეს, ნა სქიდუტეს თურქეთითი ნა ყოროფტეს დო ემუს ნა უხეზმეთაფტეს მითხანეფე ნა რტესთი ჭარუფტუ.
ლაზური ნენაშენითი მუთხანეფე ნა ჩა’რუფტუ შეჰზათ აჲართეფექ, ლაზური ნენა უჩამზოღაპიჯის ატინაშენ ხოპაშაქის ნა რენ თერიტორიას ნა იღარღალეტუ თქუმერტუ.
ლაზიში ჯოხო ნა იხმარუ დო უღნოსე კოჩეფე სთერი ნა ოწირაფტუ ანაკდოტეფეშენ დერდონი ნა რტუ შეჰზათ აჲართეფექ, ლაზეფეს ამ ანაკდოტეფეს ნა ითქვეტუ სთერი კოჩეფე ნა ვა რტეს დო ენთეფეს ნა ვარ ნუნგაფტეს ჲადო ოჭარუთენ ამ ანაკდოტეფეში პროტესტი ოღოდაფტუ.
ლაზეფეს თურქული ჯინჯი ნა ვარ უღუტუ ნა ოწირაფტუ შეჰზათ აჲართეფექ ლაზეფე კითხერი კოჩეფე ოყოფინოთ, დოლოხე მუშის ნა სქიდუტეს თერეს ჩქვანერი პროჶეციაფეში მანჯეფე ოყოფინოთ ნა უხეზმეთაფტეს ჭარუფტუ. კაი დობადონამაყოროფეფე ნა რტესშენთი ღარღალაფტუ.
ლაზეფე მითხანეფექ “ლაზი” ჯოხო ნა გჲოდვესშენ წოხლეთი ქორტეს დო აწი ნა სქიდუტეს მჯვეში დიხა მუთეფეშიში ჟინ სქიდუტეს. მჯვეში ორაფეს “ლაზი” ჯოხოთენ ნა იშინუ ხალკი ხვალა ანდღანერი თურქეთიში ლაზეფე ვარ რტეს. ემ პერიოდიში მეგრელეფეთი ლაზი ჯოხოთენ იშინეტეს. ემუშენი მეგრელ-ლაზეფე აწი თურქეთისთი ოქორთურასთი სქიდუნან. ნენაფე მუთეფეში ლაზურითი, მეგრულითი სქიდუტეს.
ემუქ ნა ჭარეეტუ სთერი ვარ, თურქეთიში გჲულვარი ტერიტორიას ნა სქიდუტუ ლაზეფე, ოსმანურ-რუსული ოკოკიდინუფეში სებებითენ თურქეთიშა ქომოხთეეტეს. ჲულვარი უჩამზოღაში ტერიტორიას ნა სქიდუტეს ლაზეფე კავკასიაშენ ვარ მოხთეეტეს. ენთეფე სვალონი რენან. ემუქ ნა ჭარეეტუ სთერი ვარ, ლაზური ღურელი არ ნენა ვარ რტუ. ლაზური აწითი ნა სქიდუტუ ნენა რტუ. 1990-ონი წანაფეშენ დონი ნა ბარტუ კაპეტი იხიქ ლაზეფე მი ნა რტეს დო ლაზური მუფერი ნენა ნა რტუ ირის ოწირაფტუ.
სტატია მუშის ნამთინი სუბიექტური ინჶორმაციაფე ნა უღუტუ თინა დო მთინი დო წორი ნა ვარ სუბიექტური ჩქინაფე ნა მეჩაფტუ თინა, შეჰზათ აჲართეფეში სტატია დიდო ბეჯითი რენ აწი ჩქინი შენი. ჩქინ აწი ნა მიღუნან სვარეფე ემუს ნა ვარ უღუტუ შენი; ჩქინ აწი ნა მიღუნან ჩქინაფა ემუს ნა ვარ უღუტუ შენი; ჩქინ აწი ნა მიღუნან გაგნაფა ემუს ნა ვარ უღუტუ შენი, ჩქინ აწი ნა ვარ ფსქიდუთ “ყინი ოკოკიდინუ”ში ნდღალეფეს ემუქ ნა სქიდუტუ შენი, პარტია მუში შენი ეშო არ რაპორი უხაზირეეტუ, ემუშკულეთი არ გაზეთის სტატია ოყოფინოთ გამოჩქვაფეეტუ. მორო, ემუს ნა ვარ აჩქინეეტუფე დო ნა ვარ აჭარეეტუფე, სტატია მუშიში ბეჯითობა ვარ ოთაფალაფაფს.
Hiç yorum yok:
Yorum Gönder