10 Guma 2015: Jur K̆amik̆aže T̆k̆vaʒu Nananoğa Ank̆aras
Emeğişi P̆lat̆formiş k̆elen, “Emeği, Misoba, Demok̆rasi” coxoten mit̆ingi
iʒ̆opxinasunt̆u Nananoğa Ank̆aras. Aya mit̆ingi, Sihhiye coxoni meydanis
iʒ̆opxinasunt̆u. Ank̆araşi t̆erenişi garişi ʒ̆oxle rt̆u ok̆obğuşi şkaguri.
K̆oçepek ʒ̆oxle aya garişi ʒ̆oxleşa, uk̆uleti ekolen mit̆ingişi meydanişa
k̆uçxeten ulurt̆es majura magebrepe mutepeşi k̆ala. Maartani k̆amik̆ažek bomba
muşi ot̆k̆vaʒinu garişi ʒ̆oxle. K̆oçepek ti-mutepeşi moşletinu şeni, akolen
omt̆inuşi gzalepe gores. Amutenti majura k̆amik̆ažek bomba muşi ot̆k̆vaʒinu
omt̆inuşi gzas. Andğaneri informasyoniten; oşi (100) k̆onari dobadonari ğureli
ren do jur oşi jur neçi do vit (250) k̆onari k̆oçi yarali ren. Ğureli
dobadonarepeşen juri Lazi ren. Entepeşi art- arti ren Atinuri Osman Turan
Bozaci. Majura ren Arkabuli Elif K̆anlioğli. Jur neçi do vit̆o ovro (58)
ʒ̆aneri Osman Turan Bozaci ren emektari mamgurapale. Eçi (20) ʒ̆aneri Elif
K̆anlioğli ren mamgure Mersinişi Universit̆et̆işi Gamantanaşi Fak̆ult̆et̆is.
Osman Turan Bozaci, noğa Atinas do Elif K̆anlioğli, noğa Arkabis çkineburepeş
k̆elen dixas niçinu. Aya k̆amik̆ažepeşi mtini mance naya menceli ren? Aya
bombapeşi mesajişi mtini adresi naya menceli ren? Aʒ̆işen çkar mutu va
matkvenan. (Ali İhsan Aksamazi; 11 Guma 2015)
